I Noradapt-timen 22. februar møter vi Claudia Morsut ved Universitetet i Stavanger. Temaet ho tek opp er henta frå eit forskingsprosjekt der forskarane ser på korleis ulike strategiar for klimatilpassing fungerer – eller ikkje fungerer – saman.

Noradapt arrangerer opne webinar der forskarar deler nytt frå prosjekt og publikasjonar. Får du ikkje med deg eit webinar, vil du finne opptak av Noradapt-timen på nettsida vår.

Det finst industrielle måtar å fjerne karbon frå atmosfæren på eller manipulere sollys for å påverke klimaet på jorda, men er det sannsynleg at vi kjem til å ta i bruk denne teknologien som ein utveg frå klimakrisa, og er det lurt? I Noradapt-timen 10. januar møter vi Benjamin Sovacool, professor i energiteknikk ved University of Sussex og medlem av Noradapt sitt internasjonale vitskaplege råd, som for tida er med i eit større EU-prosjekt om dette temaet.

I Noradapt-timen 31. august orienterer Sintef-forskar Anatoly Sinitsyn om forskning på korleis kulturarven på Svalbard blir påverka av klimaendringar, med vekt på tekniske konsekvensar og løysingar og dei etiske sidene ved bevaringstiltak. 

Varmt sommarvêr og bresmelting kan gjere at det samlar seg vatn i fjellet som brått renn nedover. Nyleg gjorde NTNU feltarbeid om slike jøkulhlaup ved Hardangerjøkulen og Jostedalsbreen, og 21. juni kan du høyre om funna deira i Noradapt-timen.

I Noradapt-timen 23. mars møter du Anders Tønnesen frå Cicero, som skal snakke om dei mange koplingane mellom klima og natur, med vekt på norsk arealforvaltning.