I Noradapt-timen 23. mars møter du Anders Tønnesen frå Cicero, som skal snakke om dei mange koplingane mellom klima og natur, med vekt på norsk arealforvaltning.

*Anders Tønnesen er samfunnsgeograf og forskar ved Cicero Senter for klimaforskning*

Anders Tønnesen frå Cicero Senter for klimaforskning tek for seg ulike koplingar mellom klima- og naturkrisene, med særleg vekt på norsk arealforvaltning, i lys av naturavtalen vi underteikna i Montreal. Avtalen stadfestar eit mål om å verne 30 prosent av jordas overflate.

Lokal arealforvalting

Foredraget til Anders Tønnesen tek utgangspunkt i gjennomførte forskingsprosjekt som legg vekt på kommunane si organisering av arealforvalting og korleis feltet inngår i lokale strategiar for sysselsetting og befolkningsvekst. Dei mest desentraliserte kommunane i Norge har få innbyggarar, men mesteparten av arealet i Norge. Dei spelar difor ei nøkkelrolle i omstilling til eit lågutsleppssamfunn - forankra i berekraftig arealbruk.

I presentasjonen ser Tønnesen på arealforvaltninga i desse kommunene, men argumenterer for at vi ikkje berre må forstå lokal arealforvaltning som eit lokalt fenomen: den er tett kopla til både byene og storsamfunnet sine behov.

Tid: Torsdag 23. mars kl. 11-12

Zoom-lenke: https://us02web.zoom.us/j/84103161593 (Ope for alle)