Årets utgåve av Klimaomstillingskonferansen i Sogndal har ein eigen forskarkonferanse. Der kan du sende inn abstract viss du vil halde innlegg.
Klimaomstilling 2026 har ein bolk der folk med ulike innfallsvinklar til klimaspørsmål kan presentere arbeidet sitt. Det er klimatilpassingssenteret Noradapt som i år til ein eigen forskarkonferanse i samband med konferansen, som har vore arrangert i Sogndal sidan 2016. Årets konferansen er 21.-22. september.
Marta K. Jansen er koordinator for konferansen. Foto: Tore F. Lie, Falkeblikk
– Vi ønskjer å utvikle dette til ein årleg arena for utveksling og formidling av kunnskap om forsking som gjeld klimaframskriving, følgjer for natur og samfunn og tiltak for å tilpasse samfunnet til uunngåelege konsekvensar av klimaendringar, seier senterleiar Carlo Aall.
Breiare målgruppe
Klimaomstillingskonferansen er tverrfagleg innretta, med ei brei målgruppe: forskarar, andre fagfolk og avgjerdstakarar innan offentleg og privat sektor. Det er viktig at alle bidragsytarar tilpassar presentasjonane sine til heile breidda av målgrupper.
Tematiske sesjonar
Det fysiske klimagrunnlaget
observasjonar, prosessforståing og framskrivingar
Verknader av klimaendringar i naturen
økosystem, artsmangfald og fysiske naturressursar
Verknader av klimaendringar i samfunnet
infrastruktur, helse, økonomi og sårbarheit
Klimatilpassing i praksis
tiltak, løysingar og gjennomføring
Styring og politikk
rammeverk, planlegging og rammevilkår for klimatilpassing
– Vi opnar for engelskspråklige presentasjonar, men krev at PowerPoint-presentasjonar er på norsk. Innsende abstracts kan vere på norsk eller engelsk, seier Marta Karoline Jansen ved Vestlandsforsking, som er sentral i planlegging og organisering av konferansen.
– I denne første utgåva av Noradapt sin nasjonale forskarkonferanse om klimatilpassing ønskjer vi å vere mest mogeleg inkluderande, og har difor ikkje lagt opp til ei tematisk avgrensing av bidraga, seier ho.
Presentasjonane vil skje i eigne parallellsesjonar der kvar bidragsytar får 15 minutt til sjølve presentasjonen og 5 minutt til spørsmål frå salen. Arrangørane legg opp til tematiske bolkar og oppfordrar innsendarar til å krysse av for relevans etter lista nedanfor. Du kan krysse av for flere tema.
Send inn omtale av bidraget ditt her (abstract): Nasjonal forskarkonferanse om klimatilpassing 2026 – Fyll ut skjema
FRIST FOR INNSENDING: 15. mai 2026 (Ny frist!)