Noradapt, ved senterleiar Carlo Aall i Vestlandsforsking, har levert eit innspelsnotat til regjeringa sitt ekspertutval for klimatilpassing.

Noradapt har gitt eit tydeleg innspel til regjeringa sitt ekspertutval for klimatilpassing om å styrke rolla til kommunar og fylkeskommunar i dette arbeidet.

Regjeringas ekspertutval for klimatilpasning gjennomførte 11. desember 2025 eit innspelsmøte. Noradapt innleidde møtet med eit innspel som tok utgangspunkt i tre forhold:

den sentrale rolla kommunar og fylkeskommunar har fått klimatilpassingspolitikken
viktigheita av å legge større vekt på rolla desse har som samfunnsutviklarar
viktigheita av å legge til grunn rammeverket for å forstå og beskrive klimarisiko som brukast av FNs klimapanel

Innspelet kan du lese fullversjonen av her. Det kan samanfattast slik:

1) Risikobildet vil endre seg frå klimarisiko knytt til ekstremvêr og naturfare til aukande problem knytt til:

gradvise endringar og økosystemeffektar
konsekvensar i Norge av klimaendringar i andre land
omstillingsrisiko utløyst av ein mer ambisiøs utsleppspolitikk som ikkje kan reduserast gjennom utsleppsreduserande tiltak av aktørar som blir råka av denne typen risiko

2) Hindringar for klimatilpassing på desse områda:

For dei konvensjonelle ekstremvêr- og naturfarerelaterte formene for klimarisiko, er dei viktigaste barrierane for små økonomiske ressursar og for låg administrativ kapasitet i kommunar og fylkeskommunar
For dei nye formene for klimarisiko, er kunnskapsmangel om korleis risikoane artar seg, og riskoeigarskap, dei viktigaste barrierane

3) Tiltaka og endringane som er viktigast for å tilpasse norske kommunar og fylke til framtidige klimaendringar:

Vesentleg styrking av statleg økonomisk støtte til «beskyttande tiltak» mot vêrrelaterte naturskadehendingar frå overvatn, flaum, skred og tørke – på lengre sikt også skade frå havnivåstiging
Auke administrative ressursar til klimatilpassing i kommunane og fylkeskommunane for slik å styrke rolla deira som samfunnsutviklarar; det siste særleg med tanke på kor viktig det er at fylkeskommunane støttar kommunar som er store i areal og små i innbyggartal
Setje i verk Stortingets to anmodningsvedtak om eit kompetanseprogram for kommunesektoren og etablering av regionale klimatilpassingsnettverk
Auke langsiktigheita i klimapolitikken forbi år 2100 og inkludere vurderingar kring moglege vippepunkt-hendingar i nasjonale analysar av klimasårbarheit og klimarisiko

4) Tilgang til data, insentiv, kunnskap og metodar for å vurdere økonomiske konsekvensar av klimaendringar:

Styrke forskinga på klimatilpassing ved å auke andelen av den samla forskinga på fornybar energi, energiomstilling og klima frå dagens sju prosent
Etablere ei senterordning for klima som inkluderer både utslepps- og tilpassingsdelen av klimaarbeidet, etter modell av eksisterande ordningar for tematisk innretta forskingssenter innan petroleum, fornybar energi, kunstig intelligens og transport