Over: Forskar Torbjørn Selseng ved Vestlandsforsking presenterer Norsk klimamonitor. Foto: Idun A. Husabø
No kan du lese 2021-årsmeldinga for Noradapt, som gir deg eit overblikk over aktiviteten vår i fjor.
Hausten 2021 skipa Noradapt eit nytt, internasjonalt vitskapsråd der medlemmene er toppforskarar innan klimatilpassing. Det nye rådet er leia av professor Sirkku Juhola ved Universitetet i Helsinki .
Mot slutten av året lanserte Noradapt elles den nye tenesta Norsk klimamonitor, som har til føremål å gje eit overblikk over det som skjer innan klimatilpassing på ulike samfunnsområde i Noreg. Datasett frå undersøkingar der Noradapt er involvert, er fritt tilgjengelege på klimamonitor.no.
Teksten i årsmeldinga er utarbeidd av koordinator Eivind Brendehaug og kommunikasjonsansvarleg Idun A. Husabø, medan forskingsassistent Berit Johanne Skogvang har stått for grafisk design under rettleiing av Øystein Vidnes.