Kronikk: "Klimaendring og utbygging er oppskrift på krisehendelser"

Med utgangspunkt i den tragiske naturkatastrofen på Ask i Gjerdrum seint i 2020, minner leiar i Noradapt, Carlo Aall ved Vestlandsforsking, om at også menneskeleg åtferd og samfunnsutvikling er med på å skape risiko for naturskadehendingar. Tidlegare synder, i form av dårleg planlegging, kjem til syne når det skjer ting som leirskredet i bustadfeltet på Ask.

Aall stiller i Agenda Magasin 8. januar 2021 spørsmålsteikn ved at kommunane held fram med å legge til rette for utbygging, i ein situasjon der arealforvaltninga bør strammast inn både på grunn av den aukande klimarisikoen og av omsyn til natur og biologisk mangfald. “Hensyn til naturskaderisiko så vel som andre viktige bærekrafthensyn betyr at byvekst og nedbygging av arealer, vil innebære stor risiko for liv og helse”, skriv Aall.