“30 års forskning har vist at det ikke er mulig å løsrive økonomisk vekst fra økning i utslipp av klimagasser i den grad som Parisavtalen legger opp til”, skriv senterleiar Carlo Aall i ingressen til kronikken “Penga eller klimaet”, publisert i Dagbladet 9. november 2021.
Carlo Aall er leiar i Noradapt og forskar innan klima og miljø ved Vestlandsforsking. I tillegg er han professor i berekraftig utvikling ved Høgskulen på Vestlandet. (Foto: Idun A. Husabø)
Kronikken kritiserer Glasgow-forhandlingane hausten 2021 for å gå i ei retning som er for lite radikal. Aall sine medforfattarar er Hans Martin Seip, professor emeritus ved Kjemisk institutt ved Universitetet i Oslo og Gunnar Kvåle, professor emeritus ved Senter for internasjonal helse ved Universitetet i Bergen.
“En gjennomgripende endring i politikk og levevaner må raskt komme på plass for å kunne bremse dagens utvikling mot uopprettelige klima- og naturskader”, skriv dei tre, og slår fast at i tråd med ein fersk Nature-artikkel, vil ein overgang til berekraft “bare lykkes ved at gjennomgripende livsstilsendringer kombineres med teknologiske framskritt”.